«Ռոսիա մոլի» աշխատակիցները դուրս են եկել բողոքի ակցիայի՝ մոլի ղեկավարության գործողությունների դեմ։ Նրանց խոսքով՝ Խաչատուր Սուքիասյանը ստիպում է առևտրականներին լքել իրենց զբաղեցրած տարածքները։
«Ինչքան պահանջել են՝ վճարել ենք։ 20 տարի աշխատել եմ այստեղ, հիմա չգիտեմ՝ ինչ անեմ։ Սովորական մարդկանց սենց հանում են ու դուրս շպրտում։ Ոչ մեկը չի պատրաստվում լուռ հեռանալ․ ինչ ուզում են՝ թող անեն։ Թե ինչքան ենք տուժել, առևտուր եղել է, թե ոչ, միևնույն է՝ վճարել ենք։ Հիմա էսօրվա օրով դուրս են շպրտում»,- ասաց աշխատակիցներից մեկը՝ հավելելով, թե կանգնած են փաստի առաջ։
«Սովորական ժողովրդին հանում են, որպեսզի տարածքները հանձնեն բրենդներին, միլիարդատերերին, օլիգարխներին։ 20 տարի աշխատել, յոլլա ենք գնացել»,-ասաց ակցիային մասնակից մեկ այլ աշխատակից։