«Հայաստանում ընդդիմության քրեական հետապնդումը «ներքին գործ է»,- Այդ մասին Մոսկվայում Վալենտինա Մատվիենկոյի հետ տված համատեղ ասուլիսում լրագրողներին ասել է խորհրդարանի խոսնակ Ալեն Սիմոնյանը։
«Ես շատ ներողություն եմ խնդրում, բայց երբվանի՞ց պետք է խոսեմ այն մասին, թե ինչպես է ՀՀ քրեական օրենսգիրքը կիրառվում ՀՀ քաղաքացիների նկատմամբ։ Սրանք ՀՀ ներքին գործեր են։ Քրեական օրենսգիրքը խախտող մարդիկ պետք է պատասխանատվության ենթարկվեն։ Եվ այդ գործերը «քաղաքական» անվանելը ես լսել եմ միայն մեր որոշ ընդդիմադիր գործիչներից, և դա լսեցի ձեզանից… Այսինքն՝ իշխանությունը զավթելու սպառնալիք, անկարգություններ կազմակերպել, ՀՀ վարչապետի, իմ և արտգործնախարարի ենթադրյալ սպանությունը… Երբվանի՞ց է դա քաղաքական դարձել»,-ասել է Ալեն Սիմոնյանը՝ պատասխանելով հայ ընդդիմադիր բլոգերների և քաղաքական գործիչների ձերբակալությունների մասին ՏԱՍՍ-ի թղթակցի հարցին։
«Քրեական գործեր
Ավելի վաղ իրավապահ մարմինները ՀՀ խորհրդարանի խոսնակ Ալեն Սիմոնյանի կողմից իրավապահ մարմիններին ներկայացված բողոքի հիման վրա ձերբակալել էին ընդդիմադիր գործիչ, բլոգեր, «Իմնեմիմի» փոդքասթի համահեղինակ և հաղորդավար Նարեկ Սամսոնյանին և մեկ այլ հաղորդավարի՝ կառավարությանը և վարչապետ Նիկոլ Փաշինյանին քննադատող Վազգեն Սաղաթելյանին՝ խուլիգանության մեղադրանքով։ Դատարանի որոշմամբ նրանք կալանավորվել են երկու ամսով։ Սիմոնյանի փաստաբանի խոսքով՝ Սիմոնյանի կողմից բողոք ներկայացնելու պատճառը նրա և բլոգերների միջև կոպիտ երկխոսությունն էր, որը տեղի էր ունեցել այն բանից հետո, երբ փոդքասթի հաղորդավարները հարցազրույց էին վերցրել ՀՀ նախկին նախագահ (2008-2018) Սերժ Սարգսյանից։
2025 թվականի հունիսի 18-ին ՀՀ ՆԳՆ կազմակերպված հանցավորության դեմ պայքարի գլխավոր վարչության աշխատակիցները ձերբակալել են «Տաշիր» ընկերությունների խմբի նախագահ և հիմնադիր Սամվել Կարապետյանին։ Նա մեղադրվում է իշխանությունը զավթելու հրապարակային կոչ անելու մեջ։ Նա կալանավորվել է երկու ամսով, որը հետագայում երկարաձգվել է։ Հունվարի 18-ին գործարարը տեղափոխվել է տնային կալանքի։
Հունվարի 20-ին Ռուսաստանի արտաքին գործերի նախարար Սերգեյ Լավրովը հույս հայտնեց, որ Ռուսաստանի հետ համագործակցության կողմնակից հայ քաղաքական գործիչները չեն ենթարկվի հետապնդումների: Մասնավորապես, նա համարեց, որ Գյումրու քաղաքապետ Վարդան Ղուկասյանը «մեղադրվում է Ռուսաստանի և Բելառուսի միությանը Հայաստանի միանալու հարցը քննարկելու կոչ անելու մեջ»»,- ասվում է լուրում: