Հրեղեն ձիու տարում շատ աղջիկների երազանք կատարվել է, շատերն արդեն նշանադրվել են։ Այս մասին «Փաստինֆո»-ի տաղավարում ասել է էքստրասենս Սոսե Բաբայանը։
«Մի փոքր տարիքով աղջիկներն առաջնահերթ են ամուսնանալու, որովհետև ձին գալիս է նպատակներն իրականացնելու։ Արդեն երեք աղջիկ է նշանադրվել, որոնցից մեկը 33 տարեկան է։ Չեմ ասում, որ տարիքով մեծ է, քանի որ հիմա դարաշրջանը փոխվել է, մինչև կարիերա ձեռք չեն բերում, անձնական կյանքում լուրջ քայլերի չեն գնում։ Հրեղեն ձին ձեռք է մեկնելու 28 տարեկաներից սկսած աղջիկներին, դոփյունով կգա ասպետի հետ երջանկացնելու համար»,-ասել է էքստրասենսը։
Ինչ վերաբերում է հորոսկոպի նշաններին, ապա Բաբայանը հայտնել է, որ այս տարի խոյերի, կույսերի և խեցգետինների սիրային կյանքում հաջողություններ են գրանցվելու, սակայն բարդ է լինելու առյուծի համար։
«Խեցգետինները, կույսերը և խոյերը ամեն տարի առաջնահերթ են։ Խոյերն ու խեցգետիններն անալիտիկ ուղեղ ունեն։ Խոյերի մոտ առաջնորդ լինելու հատկանիշ կա, իրենց համարւ խնդիրները միշտ լուծվում են, իսկ խեցգետինները խոյերից խելոք են։ Առյուծի համար լավ չի լինելու, թեկուզ և նա համարվում է անտառի արքան, բայց քանի որ կրակի տարերք է, պետք է չափը չանցնի։ Այս տարի պետք է համբերեն։ Հրեղեն ձիու տարին շատ խոսուն տարի է, միայն պետք է վատ բաներ չանել»,-ասել է նա։