Մեզանից յուրաքանչյուրը պետք է մասնակցությունը ունենա բանակի կերպափոխման բոլոր ծրագրերին, որը ոչ միայն դրված է կառավարության ծրագրում, այլ մեծամասամբ դրանք դարձել են իրականություն։ Այս մասին ԱԺ-ում հայտարարեց ԱԺ պաշտպանության և անվտանգության հարցերով հանձնաժողովի ղեկավար Անդրանիկ Քոչարյանը՝ դիմելով «Պատիվ ունեմ» խմբակցության քարտուղար Տիգրան Աբրահամյանին՝ ով քննադատեց ՊՆ Սուրեն Պապիկյանի ԱԺ բերած նախագիծն, ըստ որի՝ «Պաշտպան հայրենյաց ծրագրի» շահառուները այլևս պարտադիր ատեստավորում չեն անցնելու։
«Ներկա լինեք հանձնաժողովի նիստին, դուք մեկ-մեկ հիշում եք, գալիս եք, մենք ձեր մտահոգությունները այնտեղ քննարկման առարկա դարձրել ենք, շատ հնարավոր է պաշտպանական գերատեսչությունը ձեր առաջարկներին այնուամենայնիվ արձագանքի։
Շնորհակալության փոխարեն քննադատում եք։ Շորերն էլ կփոխվեն և փոխվում են, սպառազինությունն էլ, որը չունեինք, ունենք, առաջնագիծը, որը «բանկա-բութուլկեք» էին՝ այսօր լրիվ այլ բովանդակություն ունեն, սրանք այն հարցերն են, որտեղ մեր ու ձեր չի կարող լինել։ Սրա համար պետք է ունենալ ակտիվ մասնակցություն, իսկ բանակի գրավչությունը և դրա շարունակականությունը նման օրինագծերով են ապահովելու»,-ասաց Քոչարյանը։