ԱՄՆ ռազմածովային ուժերի Boeing P-8A Poseidon հականավային հետախուզական ինքնաթիռը և Northrop Grumman–ի արտադրության MQ-4C Triton հետախուզական անօդաչուն երեկ նկատվել են Իրանի սահմանի մոտ։ Այս մասին հայտնում է ՌԻԱ Նովոստին՝ թռիչքների տվյալների հիման վրա։
Ինքնաթիռի թռիչքի երթուղու համաձայն՝ այն թռել է Բահրեյնից և պտույտներ կատարել Հորմուզի նեղուցի երկնքում։ Անօդաչուն դուրս է եկել Աբու Դաբիից և թռչել Օմանի ծոցի վրա։
Ավելի վաղ Թրամփը հայտարարել էր, որ «հսկայական նավատորմ» է շարժվում դեպի Իրան՝ հույս հայտնելով, որ Թեհրանը կհամաձայնի վերադառնալ բանակցությունների սեղանի շուրջ և կնքել, իր խոսքով, «արդար և իրավահավասար» գործարք, որը ենթադրում է միջուկային զենքից լիակատար հրաժարում:
Հիշեցնենք` ԱՄՆ-ի և Իրանի պատվիրակությունները փետրվարի 6-ին Մասկատում (Օման) բանակցություններ են անցկացրել Իրանի միջուկային ծրագրի շուրջ։ ԱՄՆ նախագահ Դոնալդ Թրամփը հայտարարեց, որ բանակցությունները լավ ընթացք են ունեցել և կշարունակվեն։ Փետրվարի 8-ին Իրանի արտգործնախարար Աբբաս Արաղչին ընդգծեց, որ Իրանը պնդում է ուրանը հարստացնելու իր իրավունքը, նույնիսկ եթե դա պատերազմի հանգեցնի։