Միջուկային ծրագրի շուրջ բանակցություններում Իրանի նկատմամբ ԱՄՆ-ի չափազանց մեծ պահանջները կարող են հանգեցնել դրանց ձախողմանը և Մերձավոր Արևելքում հակամարտության նոր փուլի։ Այս մասին հայտարարել է Թուրքիայի արտաքին գործերի նախարար Հաքան Ֆիդանը։
Ինչպես նա նշել է Financial Times-ին տված հարցազրույցում, եթե Վաշինգտոնը «պնդի բոլոր հարցերը միաժամանակ լուծելու վրա», մասնավորապես՝ Թեհրանի կողմից հրթիռային ծրագրից հրաժարվելու և Մերձավոր Արևելքում իր դաշնակիցներին աջակցելու վրա, ապա «նույնիսկ միջուկային ծրագրի վերաբերյալ որոշումը առաջընթաց չի ունենա, իսկ արդյունքը կարող է լինել տարածաշրջանային հերթական պատերազմը»։