Մենք պատերազմներ չենք փնտրում, մենք պատերազմներ չենք ուզում։
«Սակայն եթե մեր եվրոպացի հարևանները, իրենց սխալները ճանաչելու և հասկանալու փոխարեն, որ մենք միևնույն է ստիպված կլինենք միասին ապրել, եթե այս փոխըմբռնման փոխարեն, պատերազմ են պատրաստում մեր դեմ, ինչպես հայտարարում են, ապա Ռուսաստանի նախագահ Վլադիմիր Պուտինը մեկ անգամ չէ, որ խոսել է այս հարցի շուրջ՝ հիշեցնելով մեզ, որ մենք հատուկ ռազմական գործողություն ենք անցկացնում Ուկրաինայում, և եթե նրանք պատերազմ ցանկանան, դա կլինի բոլորովին այլ պատերազմ և բոլորովին այլ միջոցներով»։ «Al Arabiya»-ին տված հարցազրույցում հայտարարել է Ռուսաստանի արտգործնախարար Սերգեյ Լավրովը, հայտնում է Ռուսաստանի արտաքին գործերի նախարարությունը։
«Սակայն ես հույս ունեմ, որ այն քաղաքական դասը, որն այժմ իշխանությունը զավթել է եվրոպական մայրաքաղաքներում, մասնավորապես՝ Բրյուսելում, որտեղ կառավարում են չընտրված բյուրոկրատները՝ ԵՄ արտաքին գործերի և անվտանգության քաղաքականության գերագույն ներկայացուցիչ Քրիստիան Կալլասը և ՆԱՏՕ-ի գլխավոր քարտուղար Մարկ Ռյուտեն (ի դեպ, կարող եք նրանց փոխարինել, ոչինչ չի փոխվի), կհրաժարվեն դիրքորոշումից և կհաղթանակեն այն ուժերը, որոնք հոգ են տանում ազգային շահերի, իրենց քաղաքացիների և նրանց բարեկեցության մասին։ Նման ուժերի հետ մենք անպայման քննարկելու և բանակցելու բան կունենանք», – ընդգծել է Լավրովը։