Այսօր լրանում է ուղիղ չորս տարին, ինչ Պուտինը «երեք օրում գրավում է Կիևը»»։ Այս մասին հայտարարել է Ուկրաինայի նախագահ Վլադիմիր Զելենսկին՝ Ռուսաստանի կողմից Ուկրաինայի դեմ սանձազերծված լայնամասշտաբ պատերազմի չորրորդ տարելիցի օրը։
«Եվ սա շատ բան է ասում մեր դիմադրության մասին, այն մասին, թե ինչպես է պայքարում Ուկրաինան այս ամբողջ ընթացքում: Այս խոսքերի հետևում մեր միլիոնավոր մարդիկ են, մեծ քաջությունը, ծանր աշխատանքը, դիմացկունությունը և այն մեծ ուղին, որն Ուկրաինան հաղթահարում է փետրվարի 24-ից ի վեր», — հայտարարել է Զելենսկին:
«Մենք լիակատար իրավունք ունենք ասելու, որ մենք պաշտպանել ենք անկախությունը, մենք չենք կորցրել պետականությունը, Պուտինը չի հասել իր նպատակներին: Նա չկոտրեց ուկրաինացիներին, չհաղթեց այս պատերազմում: Մենք պահպանեցինք Ուկրաինան և կանենք ամեն ինչ խաղաղության ու արդարության հասնելու համար», — հավելել է նա: