Աջակցելու ենք ընդդիմադիր ուժերին, թե որ ուժերին, ընթացքում կերևա: Այս մասին այսօր ասաց ՀՀԿ նախագահ Սերժ Սարգսյանը:
Լրագրողների հարցին, թե ասում են՝ ՀՀԿ-ն աջակցելու է Կարապետյանին կամ Թաթոյանին, կարո՞ղ եք հստակ ասել, թե ում, Սարգսյանը պատասխանեց, որ ընթացքում կկողմնորոշվեն:
՛՛Այդ ձայներն իմ գրպանում չեն, որ հանեմ, տամ ընդդիմադիրներին, քարոզարշավի ընթացքում, կարծում եմ, մերոնք կկողմնորոշվեն՛՛,-մասնավորապես նշեց Սարգսյանը:
Սարգսյանը նաև ասաց, որ այսօր ընդդիմության առաջատարը «Ուժեղ Հայաստանն» է, այդտեղից շատ ենթադրություններ է պետք անել:
Նրա խոսքով՝ այս պահին «Հայաստան» դաշինքի վարկանիշն իրենց վարկանիշից ավելի բարձր է։
««Հայաստան» դաշինքի վարկանիշը մե վարկանիշից բարձր է։ Եթե մեր վարկանիշը «Հայաստան» դաշինքից բարձր լիներ, մենք պարտավոր էինք մասնակցել ընտրություններին»,-ասել է Սարգսյանը։
Խոսելով միավորող ուժի և այն մասին, թե որն ուժն է ընդդիմության առաջատարը՝ նա նշել է. «Կարծում եմ՝ որևէ մեկի մոտ կասկած չկա, որ այսօր ընդդիմության առաջատարն «Ուժեղ Հայաստանն» է, այդտեղից շատ ենթադրություններ է պետք անել»:
«Հայաստան» դաշինքի հետ կապված հարցին ի պատասխան՝ ՀՀ երրորդ նախագահը նշեց, որ ինքը շատ-շատերից ավելի է ցանկանում, որ «Հայաստան» դաշինքը հաղթահարի ընտրությունները, քանի որ դա բոլորի օգուտն է։