Կիրանցում կառուցվեց մի պատ, որը մեր ժողովրդին ներկայացվեց որպես «խաղաղության» խորհրդանիշ։ Այս մասին ապրիլի 18-ին Վանաձորում կայացած նախընտրական քարոզարշավի ժամանակ հայտարարել է Հայաստանի երկրորդ նախագահ Ռոբերտ Քոչարյանը։
Նախկին նախագահի խոսքով՝ պատերը նախատեսված են բաժանելու, այլ ոչ թե միավորելու համար։ Այս տեսակետը լայնորեն տարածված է ամբողջ աշխարհում։
«Բեռլինյան պատը սառը պատերազմի խորհրդանիշ է եղել ամբողջ աշխարհի համար։ Չինական պատը եղել է պաշտպանիչ կառույց՝ հյուսիսից տարբեր վայրի ցեղերից պաշտպանվելու համար։ Բայց մենք ունենք մի առաջնորդ, որը տուրիստական գիդ է դարձել, տանում է մարդկանց այնտեղ, ցույց է տալիս պատը ու ասում՝ «Սա խաղաղության խորհրդանիշ է»։ Մինչդեռ ամբողջ աշխարհում պատը բաժանման խորհրդանիշ է», – ասել է Քոչարյանը։