Հանրային հեռուստաընկերության «Հանրային քննարկում» հաղորդաշարի ժամանակ երեկ Երևանի քաղաքապետ Հայկ Մարությանն անդրադարձավ արաբ թագաժառանգի ներկայացուցիչների ներդրումային առաջարկներին և իր հետ ունեցած զրույցից հիասթափվելուն:
Նա նշեց, որ իսկապես եղել է հանդիպում, որին ներկա է եղել նաև Արթուր Մեսչյանը: Իրենք հանդիպման գնացել են ներդրողների նշած օրը՝ կիրակի՝ նրանց հարմար ժամի: Բարձր մակարդակով ընդունել են հյուրերին, որոնք, ի տարբերություն իրենց, եղել են ջինսերով և շապիկներով:
Առաջարկել են կառուցել հիվանդանոց, սակայն, ըստ Մարությանի, խոսքը զուտ բիզնեսի մասին է եղել, և ոչ մի խոսք այն մասին, որ այն բարեգործական է լինելու:
Ներդրողները տարածք են ուզել կենտրոնում, ինչին ի պատասխան՝ Մարությանն ասել է, որ այդտեղ չկա, սակայն այլ տեղեր է առաջարկել, իսկ Կենտրոնի համար նշել է, որ պետք է դիմել մասնավորին:
Մարությանն այլ ծրագրեր է առաջարկել՝ մետրոպոլիտեն, փարքինգի հետ կապված ներդրումային ծրագրեր և այլն, ներդրողները համաձայնվել են, սակայն առայսօր նրանցից ոչ մի առաջարկ չկա, այդպես էլ չեն դիմել, թեև, Մարությանի խոսքով, իրենք վստահեցրել են, որ իրենց լիազորությունների սահմաններում ամեն ինչով կօգնեն:
Մարությանն ասաց նաև, որ քննարկման ընթացքում ներդրողների հեռախոսը պարբերաբար զանգել է, նրանք անկաշկանդ պատասխանել են, ինքն էլ կարծել է, որ այլևս ասլելիք չկա, և առաջարկել է ամփոփել քննարկումը:
Քաղաքապետն անդրադարձավ նաև Գագիկ Ծառուկյանի այն հայտարարությանը, ըստ որի՝ իրենք ցանկացել են հյուրանոց կառուցել, սակայն քաղաքապետարանը խոչընդոտել է:
Այս մասին Մարությանը, մասնավորապես, ասաց.
Հայտարարութուն՝ կապված հյուրանոցի կառուցման հետ, որ իբր խոչընդոտում ենք, չենք թողնում կառուցել: Այդ հայտարարության ժամանակ ես ոչ մի ռեակցիա չտվեցի: Պարոն Ծառուկյանը հայտարարեց, որ մեծ հյուրանոց են կառուցում, 100 մլն ներդրում, մեզ քաղաքապետարնը ստոպ է տալիս, չի թողնում գնանք, անընդհատ խոչընդոտներ է առաջացնում, կասեցրել է շինանարությունը, քաղաքապետը չի տիրապեում շինրարությանը և ներդրումներին և այլն:
Պարոն Ծառուկյան, ամենայն հարգանքով, բայց, կներեք, Դուք չեք տիրապետում ինֆորմացիային, որվհետև Ձեր հյուրանոցի կառուցումը կասեցված է Ձեր հարևանի պատճառով, այսինքն՝ օգնությամբ, որը դիմել է դատարան, և դատարանը որպես հայցի ապահովման միջոց՝ կասեցրել է այդ շինարարությունը, այսինքն՝ այստեղ քաղաքապետարանը բացարձակ ոչ մի կապ չունի:
Ասեմ ավելին՝ մեզ, որպես քաղաքապետարան, ձեռք է տալիս, որ բոլոր կիսակառույց շինությունները օր առաջ ավարտվեն, և փոշին դուրս գա քաղաքից, մենք ամեն ինչ անում ենք, որ կիսակառույցները մաքսիմալ արագ ավարտվեն, փակվեն, ավարտական ակտը ստանան և սկսեն շահագործվել:
Ես հանել եմ այն շինթույլտվությունը, որով կառուցել են այդ հյուրանոցը: Այս պահին այնտեղ կառուցված է երեք հարկ, այս շինթույլտվությունը Տարոն Մարգարյանի կողմից տրված է ընդամենը մեկ հարկի կմառուցման, այսինքն՝ երկու հարկն այդ հյուրանոցի կառուցվել է ապօրինի: Հետաքիքրն այն է, որ այդ ընթացքում քաղաքի սրտում կառուցվում է մեծ շենք, երկու հարկ բարձրանում է առանց թույլտվությա, և ոչ ոք դա չի նկատում, կարծես թե ամեն ինչ նորմալ է: Ինչ ես քաղաքապետ եմ, շինարոարությունը չի եղել, որովտեհետև կասեցված է դատարանի միջոցով:
Անկախ դատարանից՝ կառուցապատումը, չգիտես ինչու, ապօրինի էր:
Նա խոսեց նաև ԲՀԿ-ի՝ Աբովյանում իրականացրած մեկ այլ ծրագրի մասին, որի մասին, նրա խոսքով, իր ԲՀԿ-ական գործընկերներն ասել են, թե ցանկանում են իրականացնել նաև Երևանում, սակայն քաղաքապետարանը դարձյալ խոչընդոտում է: Այս առնչությամբ Մարությանն ասաց.
Նաև կար հայտարարություն, որ՝ մենք Աբովյանում անում ենք սոցիալական շինարարություն, ուզում ենք Երևանում էլ անենք, ասում ենք, Երևանը ոչ ուզում է, ոչ մասնակցում է
Ես տեսնում եմ այդ հաղորդագորւթյունը, մերոնց ասում եմ՝ ստուգեք, ինչ-որ դիմում, առաջարկ եղել է՝ չկա: Զանգում եմ ԲՀԿ իմ գործընկերոջը՝ Արմանին Աբովյան, ասում եմ՝ եղբայր, մեզ մոտ էդպիսի դիմում չկա, եթե այդպիսի ցանկություն կա, շատ ուրախ եմ, բայց դիմում չկա, խնդրում եմ, կազմակեպեք, մի հատ դիմում գրեք, եկեք սկսենք քննարկել, երկար ժամանակ չէր գրվում, հետո գրվեց իմ օգնությամբ, ոնց որ ես էի ստիպում, ասում էի՝ գրեք-գրեք դա, բերեք,տեսնենք ինչ է: Վերջը գրեցին, բերեցին, մերոնց ասացի՝ վայրկենական գրեք, պատասխանեք, որովհետև հետաքրքիր բան է՝ սոցիալական ինչ-որ կոմպոնենտով և այլն:
Մերոնք առաջարկում են՝ այս տարածքը կարող ենք տրամադրել, բայց նաև առաջարկում են՝ խնդրում ենք, եկեք, որպեսզի նստենք սեղանի շուրջ, քննարկենք, հասկանաք՝ ինչ է: Առայսօր ոչ մի ընթացք, բացարձակ, այսինքն՝ կորան ու կորան, չկան: Սա՝ խոսքի և գործի մասին»:
Հիշեցնենք, որ մինչ այդ ԲՀԿ առաջնորդ Գագիկ Ծառուկյյանը պնդել էր, որ իր միջոցով ՀՀ եկած արաբ ներդնողները նեղացել են քաղաքապետ Մարությանի անքաղաքավարի ընդունելությունից և սառեցրել ներդրումները։ Աբու Դաբիի թագաժառանգ շեյխ Սուլթան Բին Խալիֆա բին Զաիդ Ալ Նահյանի ներկայացուցիչներ Ջաբեր եւ Ադել Ալ Մարզուքի եղբայրները Kentrontv.am-ին պատմել են, թե իբրև հանդիպմանը քաղաքապետին ներկայացրել են բարեգործական 3 ծրագիր՝ անվճար հիվանդանոցի, մետրոյի կայարանի եւ հյուրանոցի կառուցում։
«Մեր գործունեության ընթացքում մենք բազմաթիվ հանդիպումներ ենք ունեցել աշխարհի տարբեր երկրների նախագահների հետ։ Այն, ինչ տեղի ունեցավ քաղաքապետարանում ուղղակի խայտառակություն էր. նախ մեզ շարք կանգնեցրին եւ ասացին, որ տեւական ժամանակ պետք է կանգնենք եւ սպասենք քաղաքապետին։ Նա հանդիպման եկավ բավականին ուշացած։ Մենք ներկայացրինք մեր 3 նախագծերը։ Առաջինը՝ ցանկություն հայտնեցինք Երեւանի կենտրոնում կառուցել բարձրակարգ հիվանդանոց, որը կլիներ անվճար եւ բարեգործական, դա կլիներ նվեր մեր երկրի կողմից։ Առաջարկեցինք նաեւ հյուրանոցային ցանց կառուցել Երեւանում, երրորդն էլ մետրոյի կայարանի կառուցումն էր։ Քաղաքապետի պատասխանը մեզ պարզապես ապշեցրեց, նա մեզ բառացիորեն ասաց հետեւյալը. մենք հողատարածք չունենք, որպես քաղաքապետարան մենք չենք կարող օգտակար լինել, գնացեք տարածքներ փնտրեք մասնավորի մոտ. հիասթափությունը մեծ էր։ Մենք նույնիսկ առաջարկեցինք, որ եթե կան վթարային շենքեր կամ հին շինություններ, ապա մենք պատրաստ ենք դրանք քանդել եւ հենց այդտեղ սկսել մեր շինարարությունը»,- պատմել է թագաժառանգի ներկայացուցիչներից մեկը։
Նա պատմել է, որ այդ օրերին Հայաստանում գտնվող Աբու Դաբիի թագաժառանգն իրենց հանդիպման ժամանակ շատ կարեւոր հարցով զանգահարել էր, որին ինքը պատասխանել է մի քանի վայրկյանով, ինչից հետո քաղաքապետը իրեն դիտողություն է արել. «Քաղաքապետից ներողություն խնդրեցի, որ տասը վայրկյանով պատասխանեմ զանգին։ Դրանից հետո քաղաքապետն ասաց՝ կարծում եմ, որ մեր հանդիպումն աննպատակ է, անքաղաքավարի կերպով մեզ կոպտեց, ասաց՝ չի կարելի հանդիպման ժամանակ հեռախոսով խոսել։ Առաջին րոպեից սկսած քաղաքապետի պահվածքն ամոթալի էր»,-ասել է Ալ Մարզուքին։