Ախալքալաքի և Նինոծմինդայի դպրոցների, մանկապարտեզների և շրջանային այլ պետական հաստատությունների աշխատակիցները հայտնում են, թե իրենց հորդորում են մասնակցել կառավարությանն աջակցող ցույցին, որը տեղի կունենա դեկտեմբերի 14-ին, Թբիլիսիում: Ոմանք էլ նշում են, թե անգամ աշխատանքից ազատվելու սպառնալիքներ են ստացել, եթե հրաժարվեն մասնակցել ցույցին։ Պատասխանատու անձինք նշում են, որ ոչ ոք իրավունք չունի որևէ մեկին, որևիցե բան ստիպել: Այս մասին գրում է Jnews-ը:
Տարբեր հաստատություններում ղեկավարները տարբեր կերպ են «մոտիվացնում» աշխատողներին գնալ հանրահավաքին:
«Մեզ ասացին, որ 14-ին մեզ կտանեն Թբիլիսի, ապա հետ կբերեն: Նրանք մեզ սպառնացին, եթե մենք չգնանք, ապա նրանք մեր հավելավճարները չեն տա», – ասել է մանկապարտեզներից մեկի աշխատակիցը:
Ոմանց չեն ասում ուղևորության իրական նպատակը, բայց պարտադրում են մասնակցել:
«Այսօր մեզ ասացին, որ 14-ին մենք գնալու ենք Թբիլիսի՝ էքսկուրսիայի, համերգ կլինի, որից հետո փոքրիկ հանդիպում ղեկավարության հետ: Գիտեմ, որ որոշ դպրոցներ ցուցակ են ներկայացրել, թե ովքեր պետք է պարտադիր գնան», – նշել է մունիցիպալիտետի դպրոցներից մեկի ուսուցիչը:
Տարբեր դպրոցներում կիրառվել է տարբեր մոտեցում, ինչ-որ մեկին համոզել են, մյուսին տրվել է ընտրության ազատություն, մյուսներին էլ ստիպել են՝ ասելով, որ եթե չմասնակցեն, ստիպված կլինեն հրաժարականի դիմում գրել: Նշեք, որ հանրահավաքի օրը համար ոչ աշխատանքային է:
Բոլոր հարցվածները խնդրել են չհրապարակել իրենց անունները և նույնիսկ հաստատությունները, որտեղ նրանք աշխատում են, որպեսզի իրենց ղեկավարության հետ խնդիրներ չառաջանան:
Մանկապարտեզների միավորումում չեն հաստատում տեղեկությունները սպառնալիքների և հարկադրանքի մասին:
«Ես չգիտեմ, ես նման տեղեկություն չեմ լսել: Այս պահին ոչինչ չկա, միգուցե ինչ-որ բան լինի շաբաթ օրը, բայց հիմա՝ ոչինչ», – ասոել է Ախալքալաքի Մանկապարտեզների միավորման տնօրենը:
Ախալքալաքի Կրթական ռեսուրս-կենտրոնի ղեկավար Թերեզա Չիվչյանը տեղեկություններ չունի այն մասին, որ ուսուցիչներին ստիպում են 14-ին գնալ Թբիլիսի՝ ասելով, որ ոչ ոք իրավունք չունի ստիպել ուսուցիչներին:
«Ալիք մեդիային» Նինոծմինդայի շրջանի դպրոցներից հաստատել են դեկտեմբերի 14-ին Թբիլիսի ժամանելու փաստը՝ անուններ կամ հաստատություններ չհրապարակելու պայմանով:
Պարզել են, Ծալկայի շրջանում ևս «հանրահավաքի մասնակից են հավաքում»՝ ասելով, որ դեկտեմբերի 14-ին գնալու են Ռուսթավի՝ միջոցառման:
Դեկտեմբերի 14-ին իշխող «Վրացական երազանք» կուսակցությունը մասշտաբային ցույց է նախատեսում: Իսկ դեկտեմբերի 12-ին բողոքի հերթական ակցիան է պլանավորել ընդդիմությունը։