ՀՀ Վերաքննիչ քրեական դատարանում դատավոր Լուսինե Աբգարյանի նախագահությամբ շարունակվում է երկրորդ նախագահ, «Մարտի 1»-ի գործով ամբաստանյալ Ռոբերտ Քոչարյանի պաշտպանների բողոքի քննությունը՝ գրավ չկիրառելու առաջին ատյանի որոշման դեմ։
Պաշտպան Հայկ Ալումյանի կողմից իրենց կողմից բերած բողոքը ներկայացնելուց հետո, դատարանը դիմեց Ռոբերտ Քոչարյանին՝ դիրքորոշո՞ւմ հայտնում է բողոքի վերաբերյալ։
Ռ․Քոչարյանը պատասխանեց, որ, եթե հնարավորություն կտրվի, ապա վերջում կարող է խոսել, դատարանն էլ ասաց, որ ընթացակարգն այսպիսինն է։ Ամբաստանյալն էլ արձագանքեց՝ ոչինչ չունի ասելու։