2008 թվականի հետո Ռուբեն Հայրապետյանի հետ ոչ թե հարաբերություններ են շարունակվել, այլ պարապես ես չեմ ուրացել նախկին ընկերության թեման: Այս մասին, այսօր՝ դեկտեմբերի 19-ին, ԱԺ-ում լրագրողների հետ զրույցում նշեց ԱԺ «Իմ քայլը» խմբակցության պատգամավոր Անդրանիկ Քոչարյանը՝ անդրադառնալով իր եւ Ռուբեն Հայրապետյանի շուրջ զարգացումներին, «փոխհրաձգությանը»:
«Նախկին ընկերության հետ կապված որեւէ հարցադրում, որ արել են լրագրողները, ես ըստ էույան մեկնաբանել եմ, որ նախկին ընկերներ չեն լինում: Երբ պարոն Հայրապետյանն ինձ ներկայացրեց որպես նախկին ընկեր, ես ներկայացրի, որ նախկին ընկերները չեն ունենում ընդհանուր ընկեր, ինչպես ինքն է ասել: 2008-ից հետո մենք հայտնվել ենք լրիվ տարբեր դաշտերում որպես ընկերներ եւս: Այդ ընդհանուր ընկերը պետք է լիներ կամ իմ ընկերը, կամ իր ընկերը: Ինքը հայտարարեց, որ իր ընկերը Սերժ Սարգսյանն է, իմ ընկերները եղել են քաղաքական դաշտում լրիվ այլ պրոցեսների մեջ գտնվող քաղաքական գործիչներ: Ինքը իմ ընդհանուր ընկերության մեջ այլ ընկերների միջոցով է ձեւավորել այդ ընկերությունը: Հիմա կարող եմ ասել, որ իր պահվածքը 2008-ից հետո արդյունք է իմ զբաղեցրած դիրքի: Ես 1991-ին ես եղել են ուժային կառույցների բարձրաստիճան պաշտոնյա եւ պարզվեց՝ Ռուբեն Հայրապետյանը շատ ձգտել է այդ կառույցների հետ ունենալ որոշակի հարաբերություններ»,-հայտարարեց Անդրանիկ Քոչարյանը հավելելով, որ պաշտոնի համար է Ռուբեն Հայրապետյանն իր հետ ընկերություն արել. «Իր վերջին պահվածքը խոսում է դրա մասին: Ես միայն կարող եմ ենթադրություններ անել, թե այս անիմաստ խառնակչությունն ինչ նպատակ ուներ»: