ՀՀ երկրորդ նախագահ Ռոբերտ Քոչարյանի աջակից ներկայացող Վարուժան Մկրտչյանը ձերբակալվել է: Այս լուրը SHANTNEWS.am-ի հետ զրույցում հաստատեց ՀՀ գլխավոր դատախազության հանրային կապերի բաժնի պետ Արևիկ Խաչատրյանը: Վերջինս տեղեկացրեց՝ Մկրտչյանի կողմից «Մարտի 1»-ի գործով տուժողներից մեկին կաշառք առաջարկելու դեպքի առթիվ հարուցված քրեական գործի նախաքննության կատարումը հանձնարարվել է ՀՀ հատուկ քննչական ծառայությանը:
Հիշեցնենք՝ ոստիկանությունը տեսանյութ էր տարածել՝ տեղեկացնելով, որ Ռոբերտ Քոչարյանի աջակիցը Մարտի 1-ի գործով տուժողին ցուցմունքից հրաժարվելու առաջարկ է արել: Վարուժան Մկրտչյանն արձագանքել էր տարածված տեսանյութին՝ ասելով.
«Տեսանյութում ես եմ, զենքն էլ՝ «սուվենիր» էր»: