«Ֆեյսբուք» սոցիալական ցանցում մի օգտատեր գրառում է կատարել, ըստ որի Գյումրիում քաղաքացին ոստիկանի անտարբերության հետևանքով մահացել է։
«Երեկ երեկոյան Գյումրիում ոստիկանը խախտում անելու համար կանգնեցնում է Գյումրի քաղաքի բնակիչ, տաքսու վարորդ, 63-ամյա Սամվել Գրիգորյանին, դիտողություն անում խախտման համար, վարորդն այդ պահին վատ է զգում ու խնդրում է շտապ օգնություն կանչել , ոստիկանը չի կանչում քիչ է՝ դեռ մի բան էլ վարորդին ասում թե ձևեր ես թափսւմ որ ակտ չգրեմ …ու նրանց մեջ վեճ է ծագում…վեճի արդյունքում վարորդի վիճակն ավելի է վատանում…
Նման վատ վիճակում Սամվելը հավաքում է տղայի համարը … ահագին ժամանակի կորստից հետո, այդ անաստված միլիցեն էլի օգնություն չի կանչում, մինչև տղան հասնում է ու հորը տանում է հիվանդանոց, որտեղ էլ մարդը մահանում է իր տղայի ձեռքերի մեջ…;
Ինչ որակում տամ ես էս բարբարոսին … Մարդ՝ չեմ կարող ասել … Էս ինչ կադրեր ունեք դուք այ ոստիկանական համակարգ…
Ձեր նիստերի ժամանակ ըսկի չեք հիշում կամ հիշացնում, որ ոստիկան լինելուց առաջ կամ գոնե հետո, պիտի մի կաթիլ մարդ լինել…»,-գրել է օգտատերը։
Panorama.am-ին ոստիկանությունից հայտնեցին՝ գրառմանը ծանոթ են, այն ուսումնասիրում են։