Կառավարության այսօրվա նիստի մեկնարկից առաջ վարչապետ Նիկոլ Փաշինյանը տևական ժամանակ քննարկում ծավալեց Հայաստանի քաղաքակրթական խնդիրների մասին։ Այդ համատեքստում վարչապետը խոսեց հասարակական վայրերի զուգարաններից ու քաղաքացիների կողմից խախտումների արձանագրման հնարավորություններից։
Փաշինյանի խոսքերով՝ զբոսաշրջիկը զուգարանում է հասկանում, թե Հայաստանը ինչպես է վերաբերվում իրեն։
«Պետք է արգելել, ուղղակի փակել, պետք է սնանկացնել բոլոր էն բիզնեսմեններին, ովքեր ոսկեջրած աթոռներ են դնում իրենց ռեստորաններում, և կոտրած ու կեղտոտ ունիտազներ են պահում իրենց ռեստորանների զուգարաններում։ Էդ մարդկանց չպետք է թողնել գործունեություն ծավալել էնքան ժամանակ, մինչև իրենք ոսկեջրածի փոխարեն կդնեն նորմալ աթոռներ և կունենան ոսկեջրածին մոտ զուգարաններ»,- ասաց Փաշինյանը։
Նա նաև անդրադարձավ քաղաքացիների կողմից խախտումների մասին ահազանգմանն ու կոչ արեց նման լիազորություններ տալ քաղաքացիներին, ու կարող է պարզվի՝ տեսչական մարմիններ այլևս պետք չեն։