Բոլոր պետական կառավարման մարմինների համար պարգևատրման մի ֆոնդ է բացվել, որը տարբեր սկզբունքներով բաշխվում է աշխատակիցներին: Մեր նախարարությունում տարբեր չափաբաժիններով ստանում ենք բոլորս: Այս մասին Կառավարության նիստից հետո տեղի ունեցած ճեպազրույցում ասաց առողջապահության նախարար Արսեն Թորոսյանը՝ անդրադառնալով Factor.am-ի հարցին, որ նախորդ տարի 15 մլն պարգևավճար է ստացել: Արսեն Թորոսյանը պարզաբանեց, որ պարգևավճար ասելով՝ նկատի ունի վարչապետի այն հրամանը, որով նախարարների աշխատավարձը, պարգևավճարների հետ միասին, ֆիքսված դարձել էր 1.5 մլն դրամ: Հիշեցնենք, որ վարչապետի այդ որոշումը գաղտնի էր եղել, որը բացահայտվել էր լրատվամիջոցների կողմից: Մանրամասները՝ տեսանյութում:
- Լրահոս
- Թրենդային