ԱՄՆ պետքարտուղար Մայք Պոմպեոն ամերիկյան Fox News հեռուստաալիքին տված հարցազրույցում ասել է, որ ԱՄՆ-ն հստակ տեղեկատվություն չի ունեցել իրանցի գեներալ Ղասեմ Սոլեյմանիի` ԱՄՆ-ի նկատմամբ «հարձակումների» պլանների մասին:
«Կասկած չկա, որ գոյություն ուներ ծրագրված հարձակումների մի ամբողջ շղթա: Մենք հստակ չգիտենք` երբ և որտեղ, բայց դա ռեալ էր: Մենք ճիշտ որոշում ենք կայացրել»,-ասել է ԱՄՆ պետքարտուղարը հարցազրույցի ժամանակ:
Հիշեցնենք, որ հունվարի 3-ին Բաղդադում սպանվել է Իրանի իսլամական հեղափոխության պահապանների կորպուսի գեներալ Ղասեմ Սոլեյմանին: Գեներալի սպանությունից հետո, Իրանի ԱԳՆ է կանչվել Շվեյցարիայի դեսպան Մարկուս Լեյթները, որը ներկայացնում է ԱՄՆ շահերը Թեհրանում:
Լույս հունվարի 8-ին հրթիռակոծվել էր Իրաքի արևմուտքում գտնվող ամերիկյան «Այն ալ-Ասադ» ռազմակայանը: Իրանի Իսլամական հեղափոխության պահապանների կորպուսը ստանձնել է Իրաքում ամերիկյան ավիաբազային հասցված հրթիռային հարվածի պատասխանատվությունը: