Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիան քայլեր է ձեռնարկել Լիբիայում իրավիճակը կարգավորելու համար և հիմա հերթը ՌԴ նախագահ Վլադիմիր Պուտինինն է, գրում է Bloomberg գործակալությունը:
Թուրքիայի նախագահը, անդրադառնալով Ռուսաստանում Լիբիայի ազգային բանակի և Ազգային համաձայնության կառավարության միջև տապալված բանակցություններին, որն ավարտվել էր Խալիֆա Հաֆթարի՝ առանց Ազգային համաձայնության կառավարության հետ հրադադարի համաձայնագիր կնքելու Մոսկվայից հեռանալով, ասել է. «Եթե Լիբիայի օրինական կառավարության վրա շարունակվեն հարձակումները, մենք ձեռնպահ չենք մնա Հաֆթարին դասեր տալուց»:
«Մենք արեցինք մեր անելիքը, հիմա հերթը Պուտինինն ու նրա թիմինն է»,- ասել է նա: