Ես կանգնելու եմ Բաբայան Սամվելի կողքին, սատարելու եմ նրան բոլոր առումներով: Այս մասին, այսօր՝ հունվարի 15-ին, լրագրողների հետ զրույցում նշեց «Սասնա ծռերի» գործով ամբաստանյալ Պավլիկ Մանուկյանը:
«Ես հիմա էլ եմ աջակցում Սամվել Բաբայանին: Ես մի բան կարող եմ անել՝ զինվորականին վայել կեցվածք ունենալ եւ կանգնելու եմ Բաբայան Սամվելի կողքին, սատարելու եմ նրան բոլոր առումներով: Ես կուսակցությունների չեմ սատարելու, կուսակցական չեմ լինելու, ներքաղաքական կյանքի մեջ չեմ խրվելու»,-ասաց նա:
Դիտարկմանը, որ Սամվել Բաբայանին հնարավորություն չտրվեց մասնակցել մարտին կայանալիք Արցախի նախագահական ընտրություններին, Պավլիկ Մանուկյանն ասաց. «Ուզեն-չուզեն պետք է հաշվի առնեն ժողովրդի կամքը, որովհետեւ այն 25 հազար ստորագրությունը այն կնիքն է, որ խփել է ժողովորւդը: Կան դեմքեր, որ կրիտիկական պահերին պահանջված են: Ժամանակը ամեն ինչ ցույց կտա»:
***
«Դարձրել են դարի դատավարությունը, ծամոնի պես երկարացնում են, մի օր կտրվելու է: Այդպես չի լինում»,- «Սասնա ծռերի» գործով դատական նիստը հետաձգելուց հետո լրագրողների հետ զրույցում ասաց գործով ամբաստանյալ Պավել Մանուկյանը:
Նա նշեց, որ այդպես էլ ոչ մի անգամ ոչ մի օղակում «Սասնա ծռերի» հետ ոչ մեկը չբարեհաճեց հանդիպել. «Մինչդեռ մարդիկ են գնացել հանդիպման, խոսում են «Սասնա ծռերի» անունից, ցռան վերգոներ, որոնք ընդհանրապես կապ չունեն «Սասնա ծռերի» հետ: Շուտով ժողովուրդը կկողմոնորշվի, բոլորի դեմքն էլ երևալու է, բացահայտվում են»:
Պ. Մանուկյանն ասաց, որ մնում է նույն համոզմունքին, որ ոչինչ չի փոխվել՝ թե դատարանների վրա ազդեցությունը, թե ամեն տեղ:
«Այս թավիշն էլ շուտով կվերածվի փալասի, էլի, եթե արդեն չի վերածվել: Այս և նախկին բոլոր իշխանությունները ներկայացրած անձիք բոլորն էլ նույն կոյուղաջուրն են»,- նշեց նա:
Պ. Մանուկյանի համոզմամբ, ազգայնականները պետք է անպայման համախմբվեն:
Հիշեցնենք, որ ՊՊԾ գնդի գրավման գործով դատական այսօրվա նիստը հետաձգեց, որովհետև նիստին չէր ներկայացել ամբաստանյալ Մխիթար Ավեիտսյանը. նա վիրահատվել է, գտնվում է հիվանդանոցում:
ՊՊԾ գնդի գրավման գործով «Սասնա ծռեր» խմբի անդամներից կալանքի տակ շարունակում են մնալ ամբաստանյալներ Արմեն Բիլյանն ու Սմբատ Բարսեղյանը, որոնք մեղադրվում են նաև սպանության մեջ: Մյուսների նկատմամբ ընտրված խափանման միջոց կալանավորումը փոխվել է՝ պատգամավորների անձնական երաշխավորությամբ։ Պավ
