Տևական ժամանակ է, ինչ «Վեոլիա ջուր» ընկերության բաժանորդները դժգոհում են խմելու ջրի որակից։ Պարբերաբար Panorama.am-ի խմբագրություն են զանգում քաղաքացիներ և դժգոհություն հայտնում, որ ջուրն այլևս նախկին համը չունի։
Երևանի Շենգավիթ վարչական շրջանի բնակիչների խոսքով՝ իրենց ջուրը տհաճ համ ունի։ Հատկապես առավոտյան այն հնարավոր չէ խմել։ Երբեմն էլ ջրից քլորի համ ու հոտ է գալիս այն աստիճանի, որ նույնիսկ թեյի մեջ է զգացվում:
Կենտրոն վարչական շրջանի բնակիչներն էլ ահազանգում են, որ ջուրը եռացնելուց հետո թեյնիկի հատակին մեծ քանակի կիր է գոյանում։
Panorama.am-ը «Վեոլիա ջուր» ընկերությունից հետաքրքրվեց՝ որքանո՞վ է մատակարարված ջուրը համապատասխանում որակի պահանջներին, բնակչության` խմելու, առողջապահական, կոմունալ և կենցաղային սպասարկման կարիքների համար հատկացվող ջուրը պետք է համապատասխանի խմելու ջրի ստանդարտներին, արդյոք այդ ստանդարտները պահպանվո՞ւմ են։
Խնդրել էինք նաև ներկայացնել, թե որո՞նք են Հայաստանում գործող խմելու ջրի ստանդարտները։
Ընկերությունից մեր հարցերին ի պատասխան նշել են, որ Երևանի վարչական շրջանները ջուր են ստանում միանգամից մի քանի աղբյուրներից, իսկ բնակիչների բողոքներին արձագանքելու համար պետք է իմանան դիմատուների բնակության կոնկրետ հասցեները՝ ջրի նմուշառում կատարելու և փորձաքննության ենթարկելու նպատակով:
Ինչ վերաբերում է ջրի որակին, ընկերությունից հայտնում են, որ ընդհանրապես «Վեոլիա Ջուր», ընկերության կողմից մատակարարմող ջրի որակը համապատասխանում է Հայաստանում գործող պահանջներին և նորմատիվներին:
Ըստ ընկերության՝ ինչպես համակարգի ջրի աղբյուրները, այնպես էլ ջրամատակարարման բաշխիչ ցանցը մշտապես վերահսկվում են թե՛ Վեոլիա Ջուր ընկերության, թե՛ ՀՀ ԱՆ Հիվանդությունների վերահսկման և կանխարգելման կենտրոնի և թե՛ ՀՀ Կառավարությանն առընթեր աշխատանքի և առողջության տեսչական մարմնի կողմից։
«Վեոլիա ջուր» ընկերությունից վստահեցնում են, որ 2019թ. 1-ին կիսամյակի արդյունքներով վերցված ջրի փորձանմուշների 98.3% համապատասխանել է գործող սանիտարական կանոններին և նորմերին՝ թույլատրելի 95%-ի դեպքում, չի արձանագրվել խմելու ջրի որակի էական խախտման որևէ դեպք:
Կարող եք խմելու ջրի հայաստանյան չափորոշիչները համեմատել ԵՄ, ԱՄՆ, ԱՀԿ, ՌԴ նորմատիվների հետ
Խմելու ջրի չափորոշիչները՝ սահմանային թույլատրելի կոնցենտրացիա (ՍԹԿ)
Աղյուսակում հերթականությունը՝ ԵՄ, ԱՄՆ, ԱՀԿ, ՌԴ
рН/ Ջրածնային ցուցիչ 6,5-9,5 6,5-8,5 6,5-8,5 6,0-9,0
Ակրիլամիդ
0,1 0,0 0,5 –
Պոլիակրիլամիդ – – – 2000
Ալյումին 200 200 200 500
Բարիում – 2000 700 100
Բենզապիրեն 0,01 0,2 0,7 0,005
Բենզոլ – 4 – 0,2
Բերիլիում 1000 – 500 500
Բոր 10 – 25 –
Բրոմ 0,5 2 10 –
Վինիլ քլորիդ 3 5 30 –
Դիքլորէթան 200 300 300 300
Երկաթ 5 5 3 1
Կադմիում – – – 50000
Կալիում – – – 180000
Սիլիցիում – – – 10000
Մագնեզիում – – – 40000
Մանգան 50 50 500 100
Պղինձ 200/
շաբաթական 1300 2000 1000
Մոլիբդեն – – 70 250
Մկնդեղ 10 50 10 50
Նատրիում 200000 – 200000 120000
Նիկել 20/
շաբաթական – 20 100
Նիտրատներ 50000 10000 50000 45000
Նիտրիտ 500 1000 3000 3300
ՄԱՆ/ ПАВ – 500 – –
Պոլիցիկլիկ արոմատիկ ածխաջրածիններ (ՊԱԱ) 0,1 – – –
Պեստիցիդ 0,1 – – –
Սնդիկ 1 2 1 0,5
Կապար 10/
շաբաթական 15 10 30
Սելենիում 10 50 10 10
Արծաթ – 100 – 50
Ստրոնցիում – – – 7000
Սուլֆատներ 250000 250000 250000 500000
Ծարիր 5 6 5 –
Թալիում – 2 – –
Տրիքլորէթիլ 10 5 40 –
Ֆտոր 1500 4000 1500 700-1500
Քլորիդներ 250000 250000 250000 350000
Քլորոֆորմ – – 200 200
Քրոմ 50 100 50 50
Ցիանիդ 50 200 70 –
Ցինկ 5000 5000 3000 5000
panorama.am